New York: Americi sadar Donald Trump Iran ke khilaaf jung ke har bahanay ka faida uthany ke khwaahan hai aur kisi bhi bahanay se wo Iran ke khilaaf jung karna chahtay hain lekin Americi awam Iran se jung ke khilaaf hai. America ke shehar New York mein senkdoun afraad ne sadkoun par utar kar muzahira karte hue Iran ke khilaaf kisi terhan ki fouji karwai nah karne aur is ke sath aman qaim kiye jaaney ka mutalba kiya.
Tafseelaat ke mutabiq awam ne haath mein takhtiyan liye hue Americi qayadat se Iran ke khilaaf kisi terhan ki fouji karwai nah karne, Is ke khilaaf jung se mutaliq kisi qisam ki pabandi aed na kiye jaaney aur khaliji mulk ke sath kasheedgi kam karkay aman o aman ke liye baat cheet karne kamtalibah kiya. Muzahireen ne media se kaha hum kasheedgi kam karne ki koshish kar rahay hain, Hum aman pasand hai, Hum Iran ke khilaaf jung nahi chahtay hain aur sach to ye hai ke hum duniya ke kisi mulk ke sath jung ke khilaaf hain. Aman hamaray liye sab se ahem cheez hai. Muzahireen neh yahan Dilworth Plaza ke nazdeek jama ho kar naaray baazi ki. Jung aur khauf ka naam o nshan mitey, Yahi hamara mutalba hai.
Is mauqa par badi tadaad mein police tainaat kiye gaye they. Americi hamlay mein haal hi mein Iran ke aala fouji commander Qasem Soleimani ki halakat ke baad Americi awam ne is ke khilaaf mulk bhar mein ab tak 360 se zayed raliyan nikaali hain aur tazah ye rally isi kadi ka hissa thi. Muzahireen ne kaha hamaray mulk ne Iran ke khilaaf bada qadam uthatay hue is ke aala fouji Commander ko mara hai. Ab gaind America ke paley mein hai. Hamein ab intiqam nahi lena chahiye.
Iran ne charshumbe ko Soliemani ke qatal ka badla letay hue Iraq mein waqay 2 Americi fouji marakaz par missile dale they. Un hamloun mein dono atraaf kisi jani nuqsanaat ki ittila nahi hai. Halaank Iran ne pehlay kaha tha ke hamlay mein kam azkam 80 Americi fouji halaak hue hain. Americi sadar Donald Trump ne hamlay ke foran baad Twit kar ke kaha sab kuch theek hai. Hamlay mein hamara koi fouji halaak nahi huva hai. Trump ne qoum se khitaab karte hue Iran ke khilaaf fori tor par nai pabandiyan aed kiye jaaney ka elaan karte hue kaha ke jab tak wo sadar honge Iran nuclear hathyaar nahi bana sakta. –YTN STAFF