Washington : America ki riyasat Texas mein hindustani nazaad sikh ke pehlay Officer ko goli maar kar be-dardi se qatal kar diya gaya.
Mulzim ne police Officer par kayi fire kiye. muqami police ne mahlook sikh police Officer ki shanakht 42 sala Sandeep Dhaliwal ki haesiyat se ki hai. woh guzishta 10 saloun se Amrici police mein mulazim tha. waqea ko anjaam dainay ke baad mujrim ko ek shopping mall ki taraf jatay hue dekha gaya hai.
Police hukkaam mukhtasir talashi ke baad mulzim Robert Solis ko hirasat mein leliya, jiska fouj daari record hai jis mein mohalik hathyaar se hamlay, aghwa aur nashay mein driving karne ka jurm bhi shaamil hai.
Ek senior police Officer Sheriff’s add gonzaliz ke mutabiq, yeh waqea is waqt pesh aaya, jab sandip ne traffic signal ke paas mulzim noujawan ki gaadi roki aur usay bahar anay ko kaha. is waqt woh mulzim apni khatoon dost ke sath car mein baetha tha. sandip ke roknay ke baad woh gaadi se bahar aaya aur sandip ko peechay se goli mardi.
Sandip kayi logon ke liye ek misaal tha. is ne samandari tufaan ke baad tabah haal ilaqay mein logoun ki madad ke liye bohat kuch kiya. 2015 mein sandip ne Sikh police officer ki haesiyat se kaam karte hue ek record bhi banaya tha. woh hamesha apne libaas aur tarz zindagi par fakhr karta tha. –YTN STAFF