New York: Kisi dwakhane mein baik waqt 9 khawateen ka haamila rehna ek haqeeqat hai lekin kisi dawakhane mein kaam karne wali 9 Nurses ek hi waqt mein haamila hoon to yeh kuch ajeeb lagta hai lekin aisa waqhiya America mein runuma huwa hai.
America ke ek dawakhane ke zacha o bacha ward yani Labour Ward mein jahan haamila khawateen ka aana jana laga rehta hai, jin ki dekh bhaal ke liye wahan Nurses bhi mojood hoti hain lekin kabhi aisa dekhney mein nahi aaya ke Labour Ward ki tamam Nurses baik waqt haamila ho jaien aur un ke bachon ki paidaiesh bhi lag bhag ek sath ho taham Americi Shehar Portland ke Meon Medical Centre mein aisa anokha waqhiya huwa hai jahan ki 9 Nurses kuch dinon ke farq se haamila huwien aur bachon ki paidaiesh April se July ke darmain mutawaqqa hai.
Ek Nurse ney kaha jab hum sab ney ek dosray ko kaha ke hum haamila hain to mere khayaal mein har baar is elaan par hamein khushi huwi aur hum ek dosray ka khayaal rakhney ke liye tayyar hain. Is dawakhane ney is anokhay waqhiye ka elaan kiya aur Narson ko mubarakbad bhi di. Dawakhane ney awam ke un khadshaat ka bhi jawab diya jo yeh soch kar pareshan they ke garmiyon mein wahan amlah ki kami ka saamna hoga.
Is par Dawakhane ke intezamiya ney kaha ke fikar mat karen hum ney mansoobah tayyar kar rakha hai. Tamam Nurses is hawala se ek dosray ki madad kar rahi hain aur unhein Dawakhane mein aakar mulazimat Anjaam dena accha lagta hai jahan deegar khawateen bachon ko janam deti hain aur is tajrubay ke barey mein batati hain, jis se hum sab ikhattay guzarney walay hain.