Riyadh : Saudi farman rawa Shah Salman bin Abdul Aziz nay khaleej mein peda honay wali kasheedgi par khliji aur arab Riyasatoun ke rehnumaoun ko hungami tor par 30 May ko madoo karliya. Saudi wazeer kharja nay kaha hai woh Iran se jung nahi chahtay lekin hamlay ki soorat mein poori qowat se jawab diya jayega. America Iran kasheedgi par Saudi arab nay khaleej taawun council aur arab league ka hungami ijlaas bulaa liya, 30 May ko Mecca mein dono tanzeemon ka ijlaas hoga. ijlaas mein America Iran kasheedgi sameit khittay ki mojooda kasheeda sorat-e-haal par tabadlah khayaal hoga .
Saudi wazeer kharja adil al juber ke mutabiq Saudi arab Iran se jung nahi chahta lekin unpar hamlay ki soorat mein poori qowat se jawab diya jayega. ab faisla Iran ke haath mein hai ke woh kiya karta hai. Saudi arab sameit khaleej taawun council America ko khiliji mulkon ki samandari hudood mein fouj tainaat karne ki ijazat day chuki hai . –YTN STAFF