Hyderabad : E-commerce ki company Amazon ney aaj Hyderabad may apna sab se bada campus launch kiya . Amazon India ke manager Amit Agarwal ney is mauqa par khitaab kiya . unhon ney bataya ke pichle pandrah saloon mein Hindustan mein Amazon ki tashkeel kaisay hui. kuch saal qabal Amazon bananay ke liye paanch members ke sath yahan aaya tha. unhon ney bataya ke Hindustan mein taqreeban 62,000 afraad Amazon mein kaam kar rahay hai.
Campus ka iftitah reyasti wazeer-e-dakhla Mahmood Ali ney kiya. Amazon India ke manager Amit Agarwal ney wazeer-e-dakhla ko campus se mutaliq tafseelaat batayen. mazkoorah campus gachi bowli ke Nanakramguda mein waqay hai. Wazeer-e-dakhla ney is mauqa par kaha ke yeh riyasat-e-Telnagana ki sab se badi imarat hai, aur yeh telangana ke liye qabil-e-fakhr hai.
Is mauqa par Telangana ke IT Executive Jaish ranjan ney bhi khitaab kiya . unhon ney Amazon India new campus ki tareef ki. Jaish ranjan ney kaha ke riyasat aur shehri zameen ki Tazaeen ko tabdeel karne mein Amazon ek kaleedi Ansar saabit honay wala hai. is mauqa par global Real estate and facilities ke director John sheljor ney bhi khitaab kiya . tawaqqa ki jarahi hai ke taqreeban 15,000 afraad Amazon campus mein kaam karenge. –YTN STAFF