Sri Venkateshwara University mein seminar se danishwaroun ka khitaab
Hyderabad: Shayar-e-mashriq Allama Iqbal ka naara ” Aadmiyat Ehtram Aadmi “ hai. aaj ke global mahol ke is pur aashob daur mein Iqbal ka kalaam izzat e nafs se zindagi basr karne ki taleem deta hai. unka kalaam fard saazi, qoum saazi aur ensaan saazi ka mehwar hai. Iqbal maghrib ki zehni ghulami se azad hain lekin woh mashriq mein bhi aseer nahi. un khayalat ka izhar Canada ke mashhoor Adeeb wo shayar Dr Taqi aabdi ne Andhra pradesh ki sri Venkateshwara university Triupaty ( s v university ) ke shoba urdu ki janib se qaumi council baraye farogh urdu zabaan ke taawun se Iqbal ke kalaam ki asri mauniyat ke mauzo per munaqidah seminar se kiya. is seminar ke Director professor Syed Sitaar Sahir sadar shoba-e-urdu rahay .
Seminar ke iftitahi ijlaas se apna silsila khitaab jari rakhtay hue Dr Taqi Aabdi ne mazeed kaha ke Allama Iqbal ke mazhabi, siyasi, samaji aur Akhlaqi afkaar hamaray liye manoviyat rakhtay hain. Allama Iqbal ko kisi neh islami shayar, kisi neh milli shayar kisi neh qaumi shayar, kisi neh falsafi shayar kaha hai yeh sab juzwi tor per sahih hain lekin Iqbal un sab ka majmoa Aafaqi shayar hain jis ko Afaq ki Ashraf ul makhlokhat ensaan se sarvar kar rahay .
University ke senate hall mein iftitahi ijlaas ka ineqad amal mein aaya jis mein qaumi aur bain ul aqwami jamiyaat ke Scholor aur professors ne shirkat ki. is iftitahi ijlaas mein paanch kitabon 1. Mujalla nawaye Iqbal , martaba professor sitaar sahir, 2. Adbiyat viluor. Dr Rahi Fadai , 3. Urdu adab mein qaumi ekjahti ke anasir. Dr Syed Munir Mohi uddin , 4. Rayalseem ke muntakhib shuara. Dr Syed Sultan Moueen Uddin Habshi ,. 5 Naqad sahir. professor Sitaar Sahir. ki rasam rounamai anjaam payi .-YTN STAFF