Lacknow: Samajwadi party ke sarbarah Akhilesh Yadav ki 14 sala beti Tina Yadav yahan CAA mukhalif rally mein shareek dikhayi di thi. Tina itwaar ke roz clock tower pohanchi, Jahan senkdoun khawateen shehriat qawaneen ke khilaaf ehtijaj par baithi then, Tina Yadav ne un khawateen se batein kee aur un ke sath waqt guzara.
Tina ke sath is ke dost bhi they. Chunkay abhi tak wo koi maroof shakhsiyat nahi hai, Lehaza kisi ne bhi is ki mojood gi par tavajja nahi di. Magar ye maamla is waqt manzar aam par aaya, Jab mangal ke roz is ki ek tasweer viral huvi.
Zaraye ke mutabiq, Chunkay Tina ke kuch dost ehtijaj ka hissa they, Lehaza wo un se milne gayi then aur kuch der un ke sath baithi then. Ye pehla mauqa hai, Jab sabiq wazeer aala ke bachoun ne kisi siyasi programme mein hissa liya hai, Aur wo bhi apni marzi se.
Wazeh ho ke, Mutanazia qawaneen, Shehriat tarmeemi act ( CAA ), National Register of Citizen ( NRC ) aur National Population Register ( NPR ) ke khilaaf khawateen bhi ehtijaj kar rahi hain. Aur un qawaneen ko bar khawast karne ka mutalba kar rahay hain. Clock tower par jari ehtijaj mein Akhilesh Yadav ki beti ne shirkat ki aur un khawateen se baat ki, Jo un mutanazia aur Muslim mukhalif qawaneen ke khilaaf ehtijaj kar rahay hain. –YTN STAFF