Hyderabad: Jo hazraat Airtel ke zareya online ruqumat ki adaigi karte hain inhen ab mazeed ziyada ahtiyat baratnay ki zaroorat hai kyunkay Airtel Website ke zariye jab koi Sarif online ruqumat ki husool tarseel karta hai to is ke credit aur debit card ki tafseelaat ka inkishaaf honay ka khadsha mojood hai aur khud Airtel company un masail ki yaksoi mein masroof chuki hai .
Tafseelaat ke mutabiq security muhaqeeq Raj Shekhar Raja ney yeh inkishaaf kiya hai ke Airtel sarfeen ke debit aur credit card ki tafseelaat koy ek Payment ke liye mehfooz kiye jatay hain aur jab koi Sarif Airtel ke zariye ruqumat ki adaigi ya husool karta hai to is ki tafseelaat ka inkishaaf honay ka khadsha mojood hai. mazkoorah security muhaqeeq ney twitter par ek video bhi post kiya hai jis mein is ney bataya hai ke kis tarha debit card aur credit card ke zariye jab online Payment kiya jata hai to OTP ke baghair hi online payment ho jata hai .
Is video mein bataya gaya hai ke Raj Shekhar ka Airtel number jo pehlay Harmendar ke naam par registered tha aur jab Raj Shekhar ney Airtel ke zariye online Payment ki koshish ki to harmednar ke card ki tafseelaat aur account number sab hi zahir kar raha tha halaanke Raj Shekhar ney apne account ki koi tafseelaat Airtel ki Website par faraham nahi ki thi. baad azan unhon ney Truecaller ke zariye jab apne number ki tafseelaat haasil karne ki koshish ki to call display per bhi Harmendar ka naam hi zahir ho raha tha. Airtel company se jab tafseelaat haasil ki gayi to maloom hua ke Raj Shekhar jo is waqt number mobile ke liye istemaal kar rahay hain woh pehlay Harmendar ke naam par register tha aur isi harmendar ke bank account ki tafseelaat hanooz online mehfooz hain aur is tarha Airtel sarfeen ki account, debit aur credit card ki tafseelaat Website par mehfooz rehti hain woh kisi bhi waqt afsha hosakti hai .
Twitter par is video ke viral honay ke baad jahan ek janib Airtel sarfeen ko online payment ke zimn mein khabardaar kiya gaya hai to doosri janib Airtel company is masla ko hal karne mein apni tawanaiya sarf kar rahi hai .– YTN STAFF