Hyderabad: TRS ki janib se Telangana mein Airports ke qiyam ki koshish ko congress ne tanqeed ka nishana banaya hai.
Congress ne kaha hai ke Airports ke bajaye achi sadakoun ki zaroorat hai. qanoon saaz council ( MLC ) ke rukan jeevan Reddy ne cheif minister KCR se Airports ke bajaye Warangal ke liye achi sadkain bichenay ka mutalba kiya. chief minister ne civil aviation Hardeep singh puri par zor diya ke riyasat mein 6 naye domestic Airports qaim karen.
KCR ke is faislay par jeevan Reddy ne ilzaam lagaya ke chief minister municipal corperation intikhabaat ko mad nazar rakhtay hue Airports ke baray mein baat kar rahay hain.
Media numaindoun se guftagu karte hue jeevan Reddy ne tanqeed ki ke reyasti hukoomat ne pichle 6 saloun mein Kaleshwaram project aur mission Bhagiratha ke naam par awam par 3 crore rupeye ka bojh par daal diya hai. jeevan Reddy ne haerat ka izhaar is waqt kiya jab chief minister ne Wazeer-e-Azam Narendra modi se Kaleshwaram project ko qaumi hesiyat dainay ke liye kaha jiska iftitah pehlay hi hua tha.
Unhon ne mazeed kaha ke koi bhi mission Bhagiratha pani ko peenay ke maqsad ke tor par istemaal nahi kar raha hai. Pani bait ul khala ke liye istemaal kar raha hai. yeh sirf commission ke maqsad ke liye banaya gaya hai. Congress ke rehnuma ne ilzaam lagaya aur kaha KCR ne federal front ke baray mein baat ki lekin woh modi front mein shaamil hogaye.
Reddy ne kaha ke reyasti hukoomat ne kisanon ke liye qarz maafi scheme aur faslun ke muawzay par amal nahi kiya aur mazeed kaha ke reyasti hukoomat ne kisanon ko nazar andaz karne ke baad GHMC intikhabaat ke paish e nazar selaab se mutaliq imdadi tor par 10,000 rupay ada kiye hain. cheif minister riyasat ko qarzon ke ambaar nijaat dilanay ke liye TRS hukoomat ke zareya markaz se funds nahi laa sakay.