Lacknow: All India Muslim Personal law Board (AIMPLB ) Decemeber ke pehlay haftay mein Ayodhya muamlay par Supreme Court ke faislay ke khilaaf nazarsani ki darkhwast daakhil kere ga. Board ke Secretary Senior Advocate Zafaryab Jeelani ne kaha ke. Nazar sani ki darkhwast faislay ke 30 din mukammal honay se pehlay dair ki jaye gi, Jo 9 Decemeber ko pooray hon ge.
AIMPLB, pehlay hi keh chuki hai ke wo is faislay par nazar sani ka mutalba kere gi, Jis mein poori mutanazia araazi Mandir ke liye di gayi hai aur Masjid taamer karne ke liye 5 aekar aarazi Musalmanoun ko di jaye gi. Board ne ye bhi faisla kiya hai ke Masjid ke liye di jaaney wali 5 aekar zameen ko qubool nahi kiya jaye ga.
Qabil zikar hai ke UP Sunni Waqf Board ne kaha hai ke wo adalti faislay ke khilaaf nazar sani darkhwast daakhil nahi kere gi balkay is faislay ko qubool ke gi. AIMPLB ne kaha ke Sunni Waqf Board ke Case ki pairwi na karne ke faislay ka qanooni tor par is par koi asar nahi parre ga. –YTN STAFF