Hyderabad : TRS working sadar aur shehri nazam wo nasq ke wazeer KTR ne kaha hai ke TRS GHMC intikhabaat ke baad hyderabad ke mayor ohday ko AIMIM ke liye nahi chodenge. Press club mein munaqidah ijlaas se khitaab karte hue KTR ne etemaad zahir kiya hai ke greater hyderabad municiple coopration ( GHMC ) intikhabaat mein TRS kamyaab ho jayegi.
Agar koi fracture mandate hai to TRS ke mayor ka ohda AIMIM par chodney ki afwahon ke baray mein puchye jane par KTR ne kaha GHMC intikhabaat mein TRS ka AIMIM se koi ittehaad nahi hai. TRS tamam divisions mein muqaabla karegi. KTR ne kaha guzishta intikhabaat mein TRS puranay shehar mein 5 divisions mein kamyabi haasil ki thi aur is martaba hum AIMIM umeedwaron ko shikast denge aur puranay shehar mein kam se kam 10 divsions mein kamyabi haasil karenge.
Hyderabad ke mayor ka ohda is martaba ek khatoon ( general ) ke liye mukhtas kiya gaya hai.
Hyderabad mein pichle 6 saal mein TRS hukoomat ki taraf se kiye gaye taraqiyati kamon ka zikar karte hue KTR ne raye dahindgaan ko tafarruqa baazi aur faisla kin siyasat ke darmiyan intikhab karne ko kaha. kuch log GHMC intikhabaat mein hind-Pakistan , hindu muslim aur deegar mozuaat par baat kar rahay hain. mein chahta hon ke woh muqami mamlaat par baat karen. KTR ne mazeed kaha ke woh chahtay hain ke BJP qaideen awam ko batayen ke aaya woh raqam layeinge ya nahi jo markazi hukoomat ki taraf se hyderabad ko crors ka package ka elaan hua tha.
Unhon ne kaha ke Wazeer-e-Azam narinder modi muqami logon ki aawaz ke baray mein baat kar rahay hain to phir TRS ek ( Gaali Ki ) muqami party hai aur BJP Dehli ki party hai to Hyderabadi awam ko Delhi ki party se iska asal maqam dekhna hai. sirf TRS hi hyderabad ki taraqqi kar sakti hai. KTR ne kaha aur chahtay hain ke BJP qaideen ehmaqana siyasat ka sahara na lein. TRS ke working sadar ne mazeed kaha hai ke jisne hyderabad mein firqa waranah kasheedgi paeda karne aur shehar ke brand image ko kharab karne ki koshish karega isko iraadon ko aahinii haath se daba denge.