Friday, March 29, 2024
HomeOthersPublic InterestAhmedabad police ne Porsche car ke maalik par 9.8 laakh ka jurmana...

Ahmedabad police ne Porsche car ke maalik par 9.8 laakh ka jurmana lagaya

Ahmedabad : Ahmedabad police ne Porsche 911 supercar ke maalik par baghair number plate aur durust dastawizaat ke baghair driving karne par 9.8 laakh rupay ka jurmana aaed kiya hai. mazkoorah gaadi ko 27 November ko zabt kar liya gaya tha.

Mehakma traffic police ne apne Twitter handle par is waqea ka tazkirah kiya hai ke ”Ahmedabad west mein mamool ki checking ke douran Porsche 911 PSI MB Virja  ne  pakda tha. gaadi mein number plate aur durust dastawizaat moujood nahi they. gaadi ko hirasat mein lekar 9 laakh 80 hazaar rupay jurmana aaed kiya gaya“.

Mehakma ne luxury car ki tasaveer bhi share ki hain. Tasaweer ke mutabiq, hirasat mein liye jaane  wali gaadi Porsche 911 Carrera S model hai, jiski qeemat Bharat mein 2 crore se 2.35 crore rupay hai. Ahmedabad traffic police department ke ishtiraaq se post kardah marasla ne logon ko mutwajjah kiya hai, woh mukhtalif comments kar rahay hain. –YTN STAFF