New Delhi: Duniya bhar mein kayi aisi shadian hoti hain jin ke baarey mein sun kar herat hoti hai kyunkay kayi aisay waqeat bhi hain jahan khawateen ne khud se kayi baras baday shakhs ko apna hum safar banaya hai jis ki Bollywood mein kayi ek misalein mojood hain jabkay shadioun ki chand aisi khabrain hoti hain jin par yaqeen karna mushkil hojata hai, Misaal ke tor Aye Monel Cameroonsadar Aye Monel Cameroon ki ahliya un se takreeban 24 saal badi hain, Is terhan ki khabrain samnay anay ke baad shehri heran ho jatay hain.
Ab isi terhan ki ek khabar Hindustan ki hai jis ne duniya bhar ke media ki tavajja apni janib mabzol karli hai kyunkay ek 22 sala nojawan ne 60 saal ki maamar khatoon ko shadi ki peshkash kar di jis ke bad nowjan kay khilaaf muqadma darj kar liya gaya. Tafseelaat 22 sala ladke ne 60 sala khatoon se apne isheq ko khatam karne se inkaar kardiya, Taaj Mehal ke sheher Agra ki rehaishi 60 sala khatoon ki mohabbat mein 22 sala ladka giraftar hogaya, Khatoon ke 7 bachay hain aur wo 7 bachoun ki Dadi bhi hain.
Maamar khatoon ke shohar ki janib se police station mein FIR darj karwai aur muaqqaf ekhteyar kiya ke ladka mohabbat mein nakami par ilaqay ke aman ko khatray mein daal raha hai. Baad azan dono ahl-e-khana ke mabain thaanay mein jhagda hogaya, Yahan tak ke jab aurat aur nojawan ne elaan kiya ke wo shadi karna chahtay hain. Report ke mutabiq khatoon Taj Mehal ke ilaqay Prakash Nagar mein rahaish pazeer hain jabkay wo 7 bachoun ki walida honay ke sath sath 7 bachon ki dadi bhi hain.
Nojawan aur omar raseedah khatoon ko kunba ke afraad ne mudakhilat karne aur taluqaat ko khatam karne par raazi karne ki koshish ki lekin wo dono hi datay rahay. Jab mohabbat karne walay dono hi nah manay to police ne ilaqay mein aman o amaan ko kharab karne par is 22 sala shakhs ke khilaaf FIR darj karli. –YTN STAFF