New Delhi : In dinon mulik mein pyaaz ki qeematein aasman ko chhoo rahi hain, jis se awam ko mushkilaat ka saamna karna padh raha hai, ghareeb loog to pyaaz ki kharidari karne se bhi qasir hain. Aisay mein khabar hai ke Madhya Pradesh aur Rajasthan se taaza stock ki aamad shuru ho gayi hai, jis se aglay haftay taq pyaaz ki qeematon mein kami honay ki umeed hai.
Jummay ke roz sarfeen ke umoor ke secretary ki sarbarahi mein aik bain wazarti committee naay aik ijlaas munaqqid kiya, jis mein pyaaz, Tamatar aur daaloun ki qeemat aur is ki farahmi ko badhaane ke tareeqoun ka jaiza liya gaya. is meeting mein wizarat e ziraat, horticulture commissionaire,NAFED,mother diary, Kendriya bhAndar, NCCF aur deegar sarfeen ke umoor ke mehakma ke aala ohdedar shareek they.
Piyaaz ki farahmi badhaane se mutaliq, committee ka muaqqaf tha ke taaza stock ki aamad Madhya Pradesh aur Rajasthan se shuru ho gayi hai aur tawaqqa hai ke anay walay hafte mein qeematon mein kami waqay hogi.
Wazeh ho ke hindostan, pooray Asia mein piyaaz ki paedawar aur is ki Daraamad ke liye pehlay muqam par tha, lekin manson mein takheer ki wajah piyaaz ki paedawar mein aayi kami ki wajah se pyaaz ki Baramdaat par rok lagai gayi. taakay pyaaz ki kami ki wajah se qeematein badhne se bachaaya ja sakay, lekin is ke bawajood pyaaz ki qeematein aasman ko chhoone lagein, jis se logoun ko pareshani ho rahi hai. is beech qeematein kam honay ki khabar se awam ko kuch raahat milegi.
Tamatron ki farahmi ke baarey mein wazeer e ziraat ne kaha ke ziyada tar riyastoun mein tamatroun ki qeematein mamool par aagai hain, chand aik ko chhod kar, Madhya Pradesh pradesh se taaza اStock ki aamad shuru ho gayi hai, jis se qeematon mein faori kami hogi.