Agartala : Tripura mein ek khatoon ki ijtemai ismat darri ki gayi aur usay sadak ke kinare pheink diya gaya. police nay bataya ke 10 hamla awaroun mein se 6 ko giraftar kar liya hai.
yeh waqea mangal ki raat is waqt paish aaya jab udhair Umar ki khatoon Badarghat mein apni beemar beti ke baray mein Dr se mashwara karne ke baad apne ghar ko jarahi thi. is par un logon nay hamla kiya.
Jumeraat ke roz Deputy Inspector General Police (southern range ) Arindam Nath nay bataya ke yahan ki sadkon par badey badey paemanay par ehtijaj ke baad 6 afraad ko giraftar kiya gaya hai. mutasirah khatoon ko is se qabal auto rickshaw driver nay aghwa kiya tha. Ek police ohdedar nay bataya ke usay Agaral hawai adday le jaya gaya tha jahan is ki ijtimai ismat darri ki gayi thi aur muzafati ilaqay mein Circuit house ke qareeb pheink diya tha.
Mutasirah khatoon ke kumba ke afrad ne mangal ki aadhi raat ko usay be-hoshi ki haalat mein usay bachaaya aur usay Tripura medical college and Dr. B.R. Ambedkar Memorial Teaching Hospital mein tashweesh-naak haalat mein daakhil karaya.
Opposition leader Manik Sarkar, BJP leader Pratima Bhowmik, Congress leader Subal Bhowmik, human rights activist Purosottam Roy Barman sameit mukhtalif siyasi jamaaton se talluq rakhnay walay leadron nay hospital mein mutasirah khatoon se mulaqaat ki.
Tripura ke sabiq wazeer-e-aala Manik Sarkar ki ahliya Panchali Bhattacharjee, jo mutasirah khatoon ke ilaaj mualjay ki nigrani kar rahi hain, nay bataya ke mai nay Tripura ke dar-ul-hukoomat mein is qadar houlnaak jurm kabhi nahi dekha tha. –YTN STAFF