Islamabad: Pakistan ke sabiq All Rounder aur Captain Shahid Afridi coronavirus se mutasir hogaye hain. Afridi ne khud Twit karkay is ke baarey mein maloomat faraham kee. Unhoun ne kaha kay jumaraat se un ki sahet kharab thi, Jis ke baad un ka test karwaya gaya, Jis ke misbet nataij bar aamad hue. Afridi ne kaha ke mein jumaraat se bemaar tha. Mera jism bohat takleef mein tha aur bad qismati se mera corona test misbet aaya hai. Mujhe jald sahet yab honay ke liye duaon ki zaroorat hai. Afridi ke is Twit ke baad Pakistan aur duniya ke deegar mumalik se logoun ne un ki jald sahetyabi ke liye apni naik khwahisaat ka ezhar kiya hai.
Yaad rahay ke Shahid Afridi ney haal hi mein Pakistani maqboza Kashmir aur Baluchistan ke doray par thay jahan un ki ek bachay ko jootay pehnate huve tasweer social media par Viral hovi thi aur logoyn ney un ke is iqdaam ko bohat saraha tha. 40 sala Shahid Afridi ney 27 test, 398 ODI aur 99 T20 matches mein Pakistan ki numaindagi karte hue 10 hazaar se zayed runs aur 541 wickets haasil kee. Shahid Afridi 2008 mein har tarz ki bain ul aqwami cricket se kinara kashi akhtyarki taham wo Pakistan super league mein ab bhi mukhtalif franchise ki numaindagi kar rahay hain.