Afghanistan : Afghanistan ki ghazni university mein dhamakay se 20 talba zakhmi hogaye. ittila ke mutabiq Afghanistan ke junoob mashriqi ilaqay mein waqay ghazni university mein mangal ke roz bomb dhamaka hua, jiske nateejay mein 20 se zayed talba zakhmi hogaye. media reports ke mutabiq yeh dhamaka university ke classe room ke andar hua.
Is dhamakay se zakhmi honay walon mein 12 talbat bhi shaamil hain. aur zakhmiyoun mein se baaz ki haalat tashweesh-naak hai. media reports ke mutabiq ab tak kisi bhi tanzeem ki janib se is dhamakay ki zimmedaari qubool nahi ki gayi hai.
Ittila ke mutabiq guzishta mah bhi ghazni university ki bus mein dhamaka khez mawaad nasb kiya gaya tha, jis ke nateejay mein bus ka driver halaak hua tha aur 5 talba bhi zakhmi hogay they. –YTN STAFF