Hyderabad: Afghanistan ne captain rashid Khan ki tabah kin bowling ki badolat team ne wahid test match mein Bangladesh ko 224 runs se shikast day kar nai tareekh raqam ki aur test cricket mein apni doosri kamyabi haasil karli.
Afghanistan ko test ke aakhri din mezban team ki 4 wickten darkaar theen lekin chouthay barish ki wajah se muqablay mein sirf 18.3 overs ka kheil mumkin tha jis ka poora faida uthatay hue sirf 2 test muqabloun ka tajurbah rakhnay wali Afghanistan ne tareekhi kamyabi haasil ki.
Chatgang mein khailay gaye wahid test match mein Afghanistan ne toss jeet kar pehlay batting ka faisla kiya aur rehmat Shah ki century ke alawa asghar Afghan aur rashid Khan ki nisf centuries ki badolat pehli inning mein 342 runs ka majmoa score banaya.
Bangladesh ki team momin ul Haq ki nisf century aur musaddiq Hussain ke 48 runs ke bawajood pehli inning mein sirf 205 runs bana kar out hogayi aur maheman team ne 137 runs ki ahem bartari haasil ki.
Doosri inning mein ibrahim zadran aur asghar Afghan nisf centuries ke alawa Afsar ke 48 runs ki badolat Afghan team 260 runs bananay mein kamyaab rahi aur Bangladesh ko fatah ke liye 398 runs ka mushkil hadaf diya. –YTN STAFF