Europe union ne kaha hai ke ghair mulki afwaj ke inkhala ke baad taliban ne Afghanistan ki sarzamen par apni girift mazboot karte hue mulk ke 65 feesad hissay par qaboo haasil karliya hai. Europi union ke aik senior ohdedar ne kaha hai ke taliban ab 65 feesad Afghan sarzamen par qaabiz hain, 11 sobai daralhkomton par qabza karne ki dhamki day rahi hain aur kabul ko shumal mein mojo qaumi afwaj ki riwayati himayat se mahroom karne ki koshish kar rahay hain.
haliya mahino mein taqreeban 4 laakh afghani afraad be ghar hue aur guzashta 10 dinon ke douran Iran faraar honay walon ki tadaad mein izafah hua hai. report ke mutabiq jahan taliban ki barhti hui paish qadmi se pareshan haal saddar Ashraf ghanni ne ilaqai taqaton se mutalba kiya hai ke woh un ki hukoomat ka sath den wahein aqwam mutahidda ke aik ohdedar ne kaha ke 20 saal mein insani haqooq ke silsilay mein jo paish Raft hui thi woh taliban ke Iqtidaar mein anay ke baad khatray mein par gayi hai.
Dar-al-hakoomat kabul mein Ashraf ghanni ke sathiyon ne kaha ke woh ilaqai malaysia on se madad maang rahay hain jin ki madad se woh kayi barson se apni hukoomat qaim rakhnay ki jad-o-jehad kar rahay hain jabkay awam se bhi appeal ki ke woh Afghanistan ke jamhoori tashkees ka difaa karen. muqami afraad ke bamojab shumali qasbay mazaar shareef aur kabul ke darmiyan markazi sarrak par soobah smngan ke dar-al-hakoomat Aibak ke qasbay mein taliban apna control mazboot tar kar rahay hain aur sarkari imaarton mein muntaqil ho rahay hain aur is douran ziyada tar hakoomati security forces peechay hatti dikhayi day rahi hain. Aibak mein rahaish ke liye halaat ke baray mein pouchye jane par sobai tax officer sher Mohammad abbas ne kaha wahid rasta khud sakhta nzrbndi ya kabul ki raah lena hai.
No afraad ke khandan ke wahid kafeel sher Mohammad abbas ne kaha ke masla yeh hai ke ab kabul mein bhi koi mehfooz maqam nahi hai. unhon ne kaha ke taliban un ke daftar puhanche aur kaarkunon ko ghar jane ko kaha lekin kisi qisam ki larai dekhi nah suni. barson se shumali ilaqa jaat mulk ka sab se pur aman hissa tasawwur kiye jatay thay lekin taliban ki hikmat e amli se aisa mehsoos hota hai ke woh shumal ke sath sath maghrib aur junoob mein ahem sarhadi gzrgahon par bhi qabza kar ke kabul par daba o banana chahtay hain.