New Delhi: Lok Sabha intikhabaat ke pehlay marhala ki raye dahi 11th April ko ho rahi hai. aisay mein congress, BJP se leker sabhi siyasi partiyan zoro shor se tashheer kar rahi hain. aur awam ko Raghib karne ki koshish kar rahi hain .
Is zimn mein BJP nay lok sabha intikhabaat ke tehat Gujrat ke liye aaj apne star mushtahrin ki fehrist jari ki hai jis mein BJP ke kayi baday baday leadroun ke naam shaamil hain. jo BJP ke liye tashhiri muhim mein hissa lenge. lekin sab se chonkanay wali baat yeh hai ke Bollywood adakar Vivek Oberoi ka naam bhi BJP ke star mushtahir ke tor par fehrist mein shaamil kiya gaya hai. mazkoorah fehrist mein jumla chalees naam hain .
Gujrat mein BJP ki tashiri muhim mein hissa lainay walay leadroun ki fehrist mein Narendra Modi, Amit Shah , Rajnath Singh, Nitin Gadkari, Arun Jaitley jaisay baday leadroun ke alawa Vivek Oberoi ka naam hona chonkanay wala hai. kyunkay woh abhi tak BJP mein shaamil nahi hoye hain .
ghhour talabb hai ke wazeer-e-azam Narendra Modi ki bio pic film mein adakar Vivek Oberoi Narendra Modi ka kirdaar nibha rahay hain. yeh film 5th April ko release honay wali thi magar is ki release ko rok diya gaya hai .Vivek Oberoi ki janib se Narendra Modi ka kirdaar nibha nay ke baad shayad isse faida uthane ki khatir hi unka naam BJP ki fehrist mein shaamil kiya gaya hai .- YTN STAFF