Mutahidda Arab Amarat UAE ke dar-al-hukoomat Abu Dhabi mein aik fouj daari adalat neh paanch mumalik se talluq rakhnay walay 28 afraad ko 17 crore 40 laakh dollars ke sarmaya kaari scandal mein qasoor waar qarar day diya hai aur unhein majmoi tor par 284 saal qaid ki saza sunai hai. unhon neh fraud, dhoka dahi aur money laundering se UAE ke bankon se mazkoorah raqum ainth li theen. un 28 mudda alihan ka talluq America , Bharat , Pakistan , roos aur canada se hai. adalat ke faislay ke mutabiq un mein se aath mdaaalihan ko 15, 15 saal qaid ki saza sunai gayi hai. 10 ko 10, 10 saal, no ko –apne bank khaton mein raqum muntaqil karne ke jurm mein saat, saat saal qaid ki saza sunai gayi hai. adalat neh aik mujrim ko aik saal qaid ki saza ka hukum diya hai. qaid ki muddat poori honay ke baad unhein UAE se bedakhal kardiya jaye ga. adalat mein un mulzimon ke khilaaf UAE ke daftar baraye umomi istighasa ke do Afsar paish hue they aur unhon neh shawahid paish kiye they. Abu Dhabi ke mehakma tafteesh juraim neh un ke khilaaf malik ke bankon se –apne bank khaton mein raqum muntaqil karne ki tehqiqaat ki thi. unhon neh barqi tarseelat ke zariye mukhtalif bankon mein paanch companiyon ke bank khaton mein yeh raqum muntaqil ki theen. yeh raqum baad mein UAE hi mein mukhtalif bank khaton mein muntaqil ki jana thi lekin is se pehlay hi un ka yeh scandal pakra gaya tha