Paris: France mein fun paaroun ke tahaffuz ki maahir Isabel Palo ne bataya hai ke qadeem wo tareekhi Notre Dame Cathedral mein lagnay wali aag se qadeemi fun paaray mehfooz rahay hain. Media reports ke mutabiq Isabel palo ne yeh bhi kaha ke yeh tamam qeemti nawadiraat dhowen aur fire fighters ke pani se bhi bach gaye hain.
Yeh qeemti fun paaray Notre Dame Cathedral ki dewaron mein intahi mehfooz andaaz mein nasb hain. francesi wizarat Saqafat ke ahelkaar ne bhi tasdeeq ki ke girja ghar mein se un qeemti ashya ko mehfooz andaaz mein ek aur maqam par muntaqil karne ka silsila shuru kar diya gaya hai. doosri janib francesi wazeer Saqafat Frank rister ne wazeh kiya ke aag lagnay ke baad Notre Dame Cathedral ki mehraabi chath ki haalat intahi maskhdoosh hai aur woh kisi waqt bhi munhadim ho sakti hai . – YTN STAFF