New Delhi : Guzishta assembly intikhabaat mein Delhi ki chandni chowk se Aam Aadmi Party ke ticket par assembly intikhabaat mein kamyabi haasil karne wali Alka Lamba ney aam aadmi party chodhney ke ek mah baad, hafta ko congress party mein shamoliat ikhtiyar karli. Delhi congress ke incharge PC chaakhu ki mojoodgi mein Alka Lamba ney party ki rukniat haasil ki.
Congress party ki talba union ki tanzeem ( NCUI ) se apna siyasi safar shuru karne wali lamba 2015 mein Aam Aadmi Party mein shaamil huien theen aur chandni chowk se rukan assembly muntakhib huyin theen. woh aam aadmi mein shaamil honay se qabal 20 saal tak congress mein khidmaat anjaam di theen. unhon ney 6 September 2019 ko aam aadmi party chodh diya tha.
Baad azan unhon ney tweet kiya ke mai congress rukan ban’nay par fakhr mehsoos kar rahi hon“. wazeh ho-ke guzishta mah Alka Lamba ney congress ki Uboori saddar Sonia gandhi se mulaqaat kar ke party mein shaamil honay ki khwahish ka izhaar kiya tha. aur hafta ko unhon ney party mein shamoliat ikhtiyar karli.
Congress mein shaamil honay ke baad Alka Lamba ney Delhi mein khawateen ke tahaffuz ko le kar aam aadmi party aur BJP par tanqeed ki, unhon ney kaha ke, aam aadmi party aur BJP dono mil kar ek dosray ko bacha rahi hain. unhon ney kaha ke 4 saal baad bhi Delhi be-haal hai “. –YTN STAFF