New Delhi : Mulk ke pehlay wazeer-e-azam Pandit Jawaharlal Nehru ki aaj 130th saalgirah hai. Pandit Jawaharlal Nehru ki saalgirah ke din 14 November ko mulk bhar may ”Yom-e-itfaal ( Childrens day ) ke tor par manaaya jata hai.
Pandit Nehru ki 130 we saalgirah par jumaraat ke roz saddar jamhooria Ram Nath Kovind, naib saddar Venkaiah Naidu, wazeer-e-Aazam Narendra Modi aur Congress ki saddar Sonia Gandhi, sabiq saddar Pranab Mukherjee, sabiq naib saddar Hamid Ansari, sabiq wazeer-e-Aazam Manmohan Singh aur Congress ke rehnuma Rahul Gandhi sameit mulk ki kayi Muaziz shaksiaat ne mulk ke pehlay wazeer-e-aazam ko kharaaj aqeedat pesh kiya.
is mauqa par saddar jamhooria Ram Nath Kovind ne Twit karte hoe kaha ”Mulk ke pehlay wazeer-e-aazam Pandit Jawaharlal Nehru ko unki 130 we saalgirah par kharaaj pesh karta hon, aur Rashtrapati bhavan may aaj bachoun se milkar bohat pur josh hon“.
wahein naib saddar jamhooria Venkaiah Naidu, ne Pandit Nehru ko gulhaye aqeedat pesh karte hue kaha ke ”Mulk ke pehlay wazeer-e-azam Pandit Jawaharlal Nehru ko unke yom-e- paidaiesh par kharaaj tehseen, tamam bachoun ko ”Yom Atfaal “ ki dili mubarakbaad.
Wazeer-e-aaazm Narendra Modi ne twit karte hue Pandit Nehru ko kharaaj pesh kiya. unhoun ne apne pegham may kaha ke’ hamaray sabiq wazeer aazam Pandit Nehru ko unke yom-e-paidaiesh par kharaaj tehseen. Sonia Gandhi, Manmohan Singh, Rahul Gandhi, Hamid Ansari ke ilawa deegar Cogressi rehnuma. Arkaan-e- parliment aur Senior Leaders ne Pandit Jawaharlal Nehru ki samadhi’ shantivan’ jaakar phool charhaye.-YTN STAFF