Chandighard: Haryana mein aksariyat se daur rehne ke baad BJP ne hukoomat saazi ke liye jordh tord shuru kar diya hai. yeh koshish to kal hi shuru ho gayi thi aur ab yeh bhi saaf ho gaya hai ke gopal kanda sameit 6 azad arakeen assembly jo Dehli puhanche hain, kisi bhi waqt BJP ke sath janey ka elaan kar satke hain. Media zaraye ke mutabiq gopal kanda ke bhai govind kanda ne to wazeh lafzon mein yeh bhi keh diya ke hamari BJP sarbarah Amit Shah ke sath baat cheet ho gayi hai aur hum BJP ke sath jayen ge .
Wazeh rahay ke Haryana assembly intikhab 2019 ka jo nateeja 24 October ko bar aamad hwa, is mein kisi bhi party ko aksariyat haasil nahi hui. BJP jo 75 se ziyada seatein jeetnay ka daawa kar rahi thi woh 40 siton taq mehdood ho kar reh gayi. congress ne 2014 assembly election ke muqablay kaafi acha muzahira kiya hai lekin phir bhi woh 31 seaton taq hi poanch saki. un dono partiyon ke darmain JJP 10 sitin haasil kar king maker ke kirdaar mein ubhar kar samnay aayi, lekin jis terhan se BJP azad umeedwaron ko apni jholi mein daalnay ki har mumkin koshish kar rahi hai, ab JJP ki ahmiyat bohat ziyada maloom nahi par rahi .
qabil ghhor hai ke azad arakeen assembly mein kuch aisay hain jo BJP se ticket nah milnay ki wajah se baghaawat kar ke azad maidan mein kharray hue they aur ab party unhein dobarah apne paas bulaa rahi hai. imkaan zahir kya ja raha hai ke ab yeh umeed waar apni marzi ke mutabiq BJP se mnh mangi qeemat payen ge. gopal kanda sameit 6 arakeen assembly ko Haryana BJP rukan parliment snita dgl chartrd tayyarah se Dehli le kar poanch gayeen, jis se andaza hota hai ke BJP ny unhein ghairna 24 october ko hi shuru kar diya tha. bataya ja raha hai ke un sabhi arakeen assembly ny BJP ko apni himayat dainay ki baat kahi hai. khabron ke mutabiq un sabhi 6 arakeen assembly ki der raat BJP ke senior leadron se mulaqaat bhi hui. khabrain yeh bhi hain ke amit Shah khud der raat taq Haryana mein hukoomat saazi ka rasta talaash karne ke liye ijlaas karte rahay .
taaza tareen khabron ke mutabiq gopal kanda apne saathi azad arakeen assembly ke sath aaj intahi ahem ijlaas karne walay hain jis mein yeh tey paye ga ke BJP ko kin sharait par himayat di jaye. gopal ny kaha hai ke sabhi arakeen assembly un ke raabtey mein hain aur jald hi woh kuch elaan kar satke hain .