New Delhi : karnatak se aik ajeeb o ghareeb waqea samnay aaya hai. yahan ki aik pri University mein imthehaan ke daouran naqal ki rok thaam ke liye. 50 ke qareeb talba ke saroun par kartoonon ka aik Dabba rakha gaya tha. Mazkoorah waqea zila hawari ka hai. hawari District Deputy Director of public instruction ( DDPI ) ney bataya ke unhon ney Bhagat Pri University College ko aik notice jari karte hue talba ko naqal karne se roknay ke liye zabardasti kartoon ke box pehnanay se mutaliq wazahat talabb ki hai.
batadein ke hawari Bangloru se 335 kilo meter ke faaslay par waqay hai. aur mazkurah waqea chaharshumbe ka hai. is waqea ka inkishaaf is Niji college ke imthehaan ki video Social Media par viral honay ke baad hwa. jis mein talba Kartoon box pehnay hue imthehaan dey rahay hain. un ko dekhnay ke liye box ko samnay se kata gaya tha, jis se woh dekh sakte they, magar apne aas paas baithey dosray talba ki taraf dekhnay ke liye woh sar bhi nahi hila sakte they .
is waqiye par. Reyasti wazeer e taleem S Suresh kumar ney Tweet kar ke kaha ke istarha ka kaam na qabil e qubool hai “. unhon ney kaha ke ”ksi ko yeh haq nahi ke woh talba ke saath janwaron jaisa sulook kare. jald hi iski tehqiqaat ki jayegi.