New Delhi : New Delhi mein Diwali ke baad’ 4 November se 15 November tak’ Odd even scheme’ laagu hogi. badhti hui aloodgi ko dekh kar Delhi ke wazeer-e-aala Arvind Kejriwal ne jumaraat ko ek press conference munaqqid ki. is douran unhon ne kaha ke kayi wujohaat ki bina par 4 November se 15 November tak’ Odd even scheme’ ko laagu kiya ja raha hai. is douran yeh qaida deegar reyaston se aaney wali gadiyon par bhi laagu hoga, taham two wheeler ko is se istasna diya gaya hai.
Wazeer-e-aala Kejriwal ne kaha ”Ye qaida Delhi ke wazeer-e-aala aur deegar vaziron par laagu hoga., lekin sadar, wazeer-e-aazam, markazi wazraa, governors, medical emergency gadiyaan, aur khawateen par laagu nahi hoga. itna hi nahi, agar un qawaid ki khilaaf varzi hui to 4000 rupaye jurmana bharna padega.
Wazeer-e-aala Kejriwal ne kaha ke woh cars jo khawateen chalati hain ya aisi cars jin mein tamam khawateen sawar hain aur 12 saal se kam Umar ka bacha jis gaadi mein hoga usey chuut di jayegi. unhon ne kaha ke ye faisla khawateen ki hifazat ko mad-e-nazar rakhtay hue liya gaya hai. –YTN STAFF