Beirut : Lebanon ke mukhtalif ilaqoun mein jungle ki aag phelti jarahi hai. hukoomat ney hamsaaya mumalik se madad talab karli. tafseelaat ke mutabiq Beirut ke junoob mein jungle mein lagnay wali aag shumal mein Pain ke janglaat tak phail chuki hai. hazaron murabba meter janglaat, gadiyaan aur ghar tabah hogaye. badi tadaad mein log ghar chodhne aur mehfooz ilaqon mein muntaqil honay par majboor hain. Refuse center mutasir hua. aag ke shulon se Rafeeq Hurairi university ko bhi khatrah hai. ibtidayi tehqiqaat mein aag lagnay ki wajah darja hararat mein achanak izafay ko qarar diya jaraha hai.
Lebanon ke red cross ke mutabiq 1 shakhs halaak hogaya. 18 afraad hospital mein daakhil hain. 88 afraad ney hungami tibbi imdaad haasil ki hai. shehri difaa ke ek ohdedar ney kaha hai ke pichle 24 ghanton ke douran 104 maqamat per aag bhadak uthi. Ohdedar ke mutabiq’ aag itni shadeed thi ke is ney kuch nahi chodha. koi imarat, sabza, kuch bhi nahi chodha sab ke sab aag ki lapet mein hain.
Lebanon ke Wazeer-e-Azam Saad al-hariri ney kaha ke aag lagnay ki tehqiqaat jari hain jo manzar-e-aam par pesh ki jayengi. agar aatish zani ka inkishaaf hua to iske zimmedaaroun ko iski qeemat ada karni padegi. Unhoun ney kaha ye aag mowsami tabdeeli ka nateeja hosakti hai. aksar mausam mamool se hatt kar khushk aur garam hojata hai to aisa waqea hona mumkin hai. Wazeer-e-dakhla Riya Al Hasan ney kaha hai ke qabras ney helicopter Unnana ney 2 tayyaray bheje hain. urdan bhi madad ke liye tayyar hai. un tamam mumalik se rabita kiya hai jo hamari madad kar saktay hain. pichle 24 ghanton ke douran 104 maqamat per aag bhadak uthi.
Ilaqai media ke mutabiq Lebanon ke zila mein lagi aag alshouf pahad tak phail gayi hai. Lebanon ke junoobi wasti ilaqay mein waqay jungle mein achanak darja hararat badh janey se aag lagi hai. Lebanon ke mehakma shehri difaa, labnani fouj aur fire fighters ney aag par qaboo pa liya tha taham raat ko aag dobarah bhadak uthi aur dekhte hi dekhte is ney pahadi ilaqay ko apni lapait mein le liya. Alshouf pahad par lagi aag ki video zay labnani shehrion ney social media par shaya ki hain. –YTN STAFF