Seoul : Mutanazia bayanaat, anokhay fashion apnane aur aryaniat ko khawateen ki khud mukhtari se tashbeeh dene wali junubi Korea ki 25 sala gulukarah aur adkarah Sulli apne kamray mein murda haalat mein payi gayi.
Gulukarah wo adakara Sulli ka asal naam Chowee jin ree tha aur unhon ne bator child artist career ka aaghaz kiya tha.
Sulli ko Musical of Band X se shohrat haasil hui thi, is 6 rukni Musical Band ki sab se Maroof khatoon rukan theen. is group ne 2010 se qabal music industry mein qadam rakha aur 2014 tak woh shohrat ki bulandiyon ko pohancha, taham Sulli ne is group ko shohrat par pahonchte hi chodh diya aur unhon ne bator tanha gulukarah wo adakara ke tor par apna maqam bananay ki koshish ki.
Agarchay Sulli ne Musical Band se alag honay se qabal hi adakari ka aaghaz kiya tha aur woh Musical Band ke sath kaam karne ke douran bhi Korean filmon wo dramon mein nazar aati rahen. taham inhen Musical Band se alehadgi ke baad shohrat mili aur unhon ne apna ek maqam banaya.
Sulli ne apna maqam bananay ke baad pop gulukar jong on se bhi taluqaat ustuwar kiye aur dono ke darmiyan gehri dosti bhi rahi, taham dono ki dosti ziyada arsay tak na chal saki aur sulli ke boy freind jong on ne zehni tanao ki wajah se 2017 dec may khud kushi karli thi. jong on ki khudkushi ke baad Sulli par bhi madahon ne tanqeed ki jiske baad khayaal kiya jaany laga ke woh bhi zehni tanao ka shikaar hogaye .
Sulli ko apne mutanazia bayanaat, name uryaan libaas pahannay aur munfarid fashion apnane ki wajah se bhi media mein shohrat haasil thi. Sulli ka khayaal tha ke khawateen ke pastan aur jism ke deegar niswani aazaoun ko jinsi aaza kehna durust nahi.
Sulli ne mutadid baar kaha tha ke khawateen ki aryaniat inhen khud-mukhtaari ka ehsas dilaati hai aur khawateen ki janib se pastan ko na chhupana darasal unki azaadi hai Sulli ko mutadid baar intahi na munasib libaas aur aryaniat mein bhi dekha gaya, jis par inhen shadeed tanqeed ka nishana bhi banaya jata raha. guzashta mah bhi inhen ek interview ke douran intahi na munasib andaaz mein dekha gaya, jiske baad inhen online sakht tanqeed ka nishana banaya gaya.
Khayaal kiya ja raha hai ke khud par shadeed tanqeed ki wajah se Sulli zehni tanao ka shikaar hogayi hongi aur unhon ne khudkushi karli hogi, taham police ne unki mout ko khudkushi qarar nahi diya.
khabar rasan idaray ne Korean police ka hawala dete hue is baat ki tasdeeq ki ke 25 sala Sulli ki laash unke flat se mili. report ke mutabiq Sulli ko murda haalat mein manager ne dekhnay ke baad police ko aagah kiya, manager ke mutabiq adakara guzashta raat se unse raabtey mein nahi theen, woh Sulli ke ghar pohanche to inhen murda haalat mein paaya. police ne fori tor par gulukarah ki mout ko khudkushi ka waqea qarar nahi diya aur na hi is hawalay se koi tafseelaat jari kee ke gulukarah ke jism par tashadud ke nishanaat they ya nahi. police ke mutabiq gulukarah wo adakara ki pur-asraar halakat ki tafteesh ki ja rahi hai, tahaqeeq se qabal Sulli ki mout ke hawalay se kuch bhi kehna qabal az waqt hai. gulukarah wo adakara ki pur-asraar halakat par kayi logon ne dukh ka izhaar kiya aur twitter par unki halakat aalmi satah par bada trend bhi ban gayi. –YTN STAFF