New Delhi : BJP ke senior leader aur sabiq markazi wazeer swami Chinmayanand par ismat darri ka ilzaam laganay wali mutasirah Taliba ko SIT ne apni tehweel mein leliya.
UP police zaraye ne bataya ke police ne mutasirah ladki, jo qanoon ki taleem haasil kar rahi hai, ko pooch tach ke liye police apne sath legayi hai.
Mutasirah ladki ne ShahJahanpur ki muqami adalat se giraftari se istashna ki appeal ki hai. zaraye ke mutabiq jab mazkoorah ladki adalat mein apni darkhwast dair karne ja rahi thi to police ne rastay mein hi usay rok liya aur sath le gayi. police ne mutasirah ladki par jabran raqam vasuli ka muqadma bhi darj kiya hai.
Ahem baat yeh hai ke peer ko Allhabad high court ne sabiq markazi wazeer swami Chinmayanand ke khilaaf jinsi tor par harasan karne ke ilzamaat ke maamla mein ShahJahanpur ki mutasirah Taliba ki giraftari roknay ki darkhwast par kisi qisam ki raahat dainay se inkaar kar diya.
Idhar, jummay ke roz girftar honay walay Chinmayanand ko peer ke roz ShahJahanpur jail se Lucknow ke hospital le jaya gaya, jahan unhon ne dil se mutaliqa pareshaniyon ke liye enjographi ki gayi. is muamlay ki tehqiqaat karne wali khusoosi team ( SIT ) ne ek mohar band lifafay mein do judges ke bench ko apni report paish ki. –YTN STAFF