Hyderabad : Ek 24 sala shakhs ko muqami aurat par Jaadu karne ke shoba mein logoun ne peet peet kar maar dala. yeh waqea chaharshambe ke roz, Hyderabad ke muzafaat mein waqay’ Adraspalli gaon mein paish aaya. jo jumeraat ko manzar-e-aam par aaya. police ne is shakhs ki shanakht’ Bovini Anjaneyulu ke tor par ki hai.
Tafseelaat ke mutabiq, ek 45 sala Gara Lakshmi Nami khatoon ki taweel alalat ke baad chaharshambe ko mout hogayi. iske ahal-e-khanah ne shoba kiya ke isi gaon mein rehne walay’ Anjaneyulu ne is khatoon par Jaadu kiya tha, jiski wajah se is ki mout ho gayi.
Chaharshambe ki shaam ko wo log is khatoon ki aakhri rusumaat ada kar rahay they, isi douran’ Anjaneyulu wahan se guzar raha tha, tabhi un logon ne is ko pakad liya aur iski pitayi ki aur usay khatam kar diya. saboot mitanay ke liye is ki laash ko isi khatoon ki chitta mein jala diya gaya.
Baad azan is waqeye ki ittila milnay par senior police ohdedar gaon pohanch gaye aur tehqiqaat ka aaghaz kiya. tafteesh karon ne maqam waqea se hadion aur deegar baqiyat ko jama kiya aur usay forensic test ke liye bhej diya. –YTN STAFF