Hyderabad : Congress ke MLC Jeevan Reddy ne jumme ko reyasti hukoomat par yeh ilzaam lagaya ke Kaleshwaram lift aab pashi project mein ab tak pani ka ek qatra bhi istemaal mein nahi laya gaya hai. jabkay pani ko samandar mean chodh diya ja raha hai. unhon ne kaha ke 45 TMC pani reyasti hukoomat ke sakht rawaiye ki wajah se zaya hogaya.
Jeevan Reddy ne ilzaam lagaya ke reyasti hukoomat ke paas pani ki dasteyabi aur iske istemaal ke baray mein koi adaad wo shumaar moujood nahi hain. unhon ne daawa kiya ke project ke ohdedaron ka kehna hai ke woh hukoomat ki janib se ehkamaat nah milnay ki wajah se koi faisla nahi kar pa rahay hain. Jeevan Reddy ne riyasat mean Urea ki shadeed qillat ke liye Kaleshwaram project ko moorad-e-ilzaam qarar dainay par hukmaran party ke rehnumao ka mazaq udaya. –YTN STAFF