Hyderabad: Soft drinks rozanah peena aaj ek fashion banchuka hai lekin is ke mutaliq jo taaza tareen inkishafaat kiye gaye hain uss ki tafseelaat jan-nay ke baad shayad awam apni is aadat ko badalne par majboor ho jaienge kyunkay soft drink ka peena jald mout ka sabab ban raha hai.
Europe ke 10 mumalik mein taqreeban 4.5 laakh afraad par ek tehqeeqi Mutaliya kiya gaya aur is douran inn afraad ki us aadat ko maloom kiya gaya jis mein woh rozana 2 ya uss se zayd glass soft drink peetay they, nizih woh mashrobat they jin mein qudrati ya masnoi tor par shakar istemaal ki jati thi taakay iss ki mithaas ko badhaaya jasakay.
Mutaliya ke douran qudrati aur masnoi tor par mashrobat mein shakar ki miqdaar aur iss se honay walay masail par tahaqeeq ki gayi kyun ke mohqiqeen ne apne kaam ke douran hazme aur deegar nizaam ka bhi tajzia kiya. tehqiqati Mutaliya ke baad iss ki tamam tar tafseelaat jareeda jamia internal medicine mein shaya ki gayi hain. tehqeeqi Mutaliya ke douran jin 4.5 laakh afraad ka tajzia kiya gaya, inn mein 1992 ta 2000 ke douran inn ki tarz zindagi ka tafseeli Mutaliya kiya gaya aur aisay afraad ko hi iss Mutaliya mein shaamil kiya gaya jin ki umrein 16 saal ya is se zayd theen.
Mutaliya ke douran un shawahid ko bhi shaamil kiya gaya ke soft drink peenay aur inn ki amwaat ke darmiyan kahin nah kahin ek manfi rishta zaroor hai kyun ke jin afraad mein soft drink ka istemaal rozana ki asaas mein tha unhen amraaz-e-qalb aur stroke se bhi pareshan ho raha para. Bartania ke Imperial college London ke muhaqiq ne kaha hai ke soft drink aur jald mout ka zaroor koi rishta hai kyun ke tahaqeeq ke douran yeh baat samnay aayi hai ke jin afraad né rozana soft drink ka istemaal kasrat se raha unn ki amwaat bhi kam umroun mein hui hai.
France mein international agency for research and cancer ( IARC ) ke muhaqiq ne kaha hai ke soft drink ke istemaal aur jald mout ke darmiyan ek mazboot rishta to zaroor hai lekin iss ka hargiz yeh matlab to nahi ke jald mout ki wujohaat sirf soft drinks ka ziyada istemaal hai. –YTN STAFF