New Delhi : Wazeer-e-aazam Narendra Modi, jo is waqt apne teen mulki douray, France, mutahidda arab Emirates aur Bahrain ke doura par hain, unhon nay hafta ke roz sabiq wazeer-e-khazana Arun Jaitley ki mout par izhaar-e-taaziyat karte hue kaha ke woh ek qabil qader dost kho chuke hain. Narendra Modi nay Tweet kiya ke BJP aur Arun jaitley jee ka atot rishta tha. woh hamari party ka sab se pasandeeda chehra ban gaye they, jo party programoun aur nazriaat ko muashray se jodh sakte the.
Ek aur Tweet mein wazeer-e-aaazm nay kaha ” Arun jaitley ek azeem siyasi shakhsiyat, Danishwer rehnuma the. inhen muashray ke tamam tabqaat ke logon ki janib se sarahana mili thi. inhen mulk ke aeen, tareekh, awaami policy, hukmarani aur intizamia ke baray mein bhar poor maloomat they.
Narendra Modi nay Tweet mein kaha ke Arun jaitley nay apne taweel siyasi career ke douran mutadid wazarti faraiz anjaam diye hain, jin se inhen hindystan ki maeeshat ko farogh dainay, difai salahiyaton ko taqwiyat dainay, awam dost qanoon saazi aur deegar mumalik ke sath taluqaat ko badhaane ke qabil banaya. –YTN STAFF