Hyderabad : TRS ke MLC Gutha Sukhender Reddy ne aaj congress party ko hukmuran party aur iski qiyadat par jhutay ilzamaat laganay par tanqeed ki. media numaindon se baat karte hue unhon ne kaha ke ”Congress ko Jio ya maro jaisi sorat-e-haal ka saamna kar rahi hai aur iske qaideen logon aur aab paashi projects ki baat kar rahay hain.
Unhon ne mazammat ki ke TPCC ke sir-barah wo rukan parliament N Uttam kumar reddy taraqiyati programon aur aab pashi projects par bad-unwani aur be-zabtigyon ka ilzaam lag rahe hain. Reddy ne tanz karte hue kaha ke congress party logon ki himayat kho chuki hai. jabkay aglay intikhabaat mein uttam kumar bhari aksariyat se kamyabi ki baat kar rahay the. unhon ne yeh bhi ilzaam lagaya ke Uttam Kumar Reddy SLBC aur deegar aab pasha projects ke baaray mein ghalat ilzamaat lag rahe hain. yeh sirf siyasi faida ke liye hain. un ilzamaat mein koi sadaqat nahi hai.
Unhon ne ilzaam lagaya ke congress ki SLBC projects mein commission lainay ki mashkook tareekh hai. ab unhon ne TRS par is project se mutaliq kamoun mein bad-unwani ka ilzaam aed kiya hai. Gutha Sukhender Reddy ne kaha ke TRS hukoomat ne SLBC ke liye funds jari kar diye hain, jiske baad kaam taizi se jari hai. Wazeer-e-aala KCR kisanon ki Falah wo behbood ke liye pur azm hain aur ohdedar projects ko mukammal karne ke liye bharpur koshish kar rahay hain.
Unhon ne kaha ke Uttam kumar reddy, Komatireddy Venkat Reddy aur K Jana Reddy projects aur hukumat ke baray mein ghalat tabsaray kar rahay hain. –YTN STAFF