Jammu : Congress ke sabiq sadar Rahul gandhi ney jummay ke roz party ke Jammu wo Kashmir unit ke sarbarah ghulam Ahmed Mier aur party ke –aur rehnuma ki giraftari ki mazammat karte hue kaha ke hukoomat ney jamhoriat ko ek aur dhaka pohanchaya hai. unhon ney tweet karte hue kaha kay mein aaj jammu mein hamaray jammu wo Kashmir PCC sarbarah ghulam Ahmed Meer aur tarjuman Ravindar sharma ki giraftari ki shadeed mazammat karta hon.
Unhon ney mazeed kaha ke hukoomat ney qaumi siyasi jamaat ke khilaaf is terhan ki karwai se jamhoriat ko ek aur dhaka pohanchaya hai. yeh junoon kab khatam hoga?
Congress ke tarjuman Randeep surjewala ney bhi Twitter par ek video share ki hai, jis mein police party ke reyasti tarjuman Ravindra sharma ko sath leker ja rahi hai. unhon ney kaha ke ”hukumat Jammu wo Kashmir mein halaat mamool par anay ka daawa karti hai, aur congress ke tarjuman Ravindra sharma ko ghair qanooni tor par girftar karti hai.
Senior congress rehnuma ghulam nabi azad ney bhi hukoomat par ilzaam lagaya ke woh inhen jammu mein press conference karne ki ijazat nahi deti hain. unhon ney bhi reyasti congress ke rehnumao ki giraftari ki mazammat karte hue, Rajya sabha mein qaied hizab-e-ikhtilaaf ghulam nabi azad ney kaha ”ek taraf riyasat aur markazi hukoomat is baat par zor day rahi hai ke jammu mein halaat mamool par aagaye hain, jabkay opposition jamaaton ke qaideen ko khitaab karne ke ineqad ki bhi ijazat nahi di ja rahi hai.
Ghulam nabi azad ney sabiq wazraye aala Omar Abdullah aur Mehbooba Mufti aur deegar siyasi jamaaton ke senior rehnumao ki fori rihayi ka mutalba kiya. –YTN STAFF