New Delhi : Congress ney kaha hai ke khawateen ke liye Delhi metro aur DTC Buses ki muft sawariyoun ka elaan aam aadmi party ka ek aur ”jali wada“, kyunkay is aala noon ke baad se aam aadmi party hukoomat ki janib se is silsila mein koi iqdaam nahi kiya gaya hai.
Delhi ke wazeer-e-aala Arvind Kejriwal ney DTC Buses aur Delhi metro mein khawateen ke liye muft safar ka elaan kiya tha. is ke pichlle tamam aelanat ki tarhan, yeh bhi ek khokhla wada tha, kyunkay do mahinay ke waqfay ke bawajood, nah hi hukoomat ney khawateen ke liye muft DTC aur metro safar ke nifaz ke liye bazabta tor par kaam kar ney ke liye koyi committee tashkeel nahi di hai. aur nah hi hukoomat ney iska koi faisla kiya hai.
Yeh bhi kaha gaya hai ke Delhi assembly intikhabaat ke paish-e-nazar, Kejriwal is terhan ke aur bhi khokhle aelanat karenge, jo sirf khayaali tasawwur honge.
Oakhla bock congress committee ke sabiq sadar Parvez aalam ney RTI dair karte hue Delhi hukoomat se jawab talabb kiya hai ke ”Kejriwal hukoomat ney wazeer-e-aala ke zareya khawateen ke liye muft bus aur metro safar ke nifaz ke liye kiya iqdamaat kiye hain. unhon ney yeh bhi poocha ke kiya khawateen ke liye scheme ke nifaz ke liye koi dead line tai ki gayi hai?
RTI ke jawab mein kaha gaya hai ke ”Delhi hukoomat ney DTC Buses aur Delhi metro mein khawateen ke liye muft safar ke nifaz ke liye koi qadam nahi uthaya hai “. unhon ney kaha ke is zahir hota hai ke kejriwal ke mukhtalif aelanat bilkul khokhle hain.
Wazeh hoke Kejriwal ney teen June ko elaan kiya tha ke unki hukoomat Delhi metro aur DTC Buses mein khawateen ke liye ek muft safar scheme shuru karne ka mansoobah bana rahi hai, aur kaha tha ke yeh scheme chand mah mein nafiz hogi. magar abhi tak is ka nifaz nahi kiya gaya hai. –YTN STAFF