Hyderabad : Telangana jana samithi ke sadar professor Kondaram ney peer ko riyasat ke logoun se appeal kiya ke woh 25 July 2019 ko riyasat mein munaqqid honey walay ”program chalo secretariat ko kamyaab banayen.
Unhoun ney kaha ke reyasti hukoomat ki karkardgi ke khilaaf yeh ehtajaji programme munaqqid kiya ja raha hai. unhon ney yeh baat Somajiguda press club mein G venkat -swami foundation ki janib se munaqqid hue ek press conference ke douran kahi.
Is mauqa par khitaab karte hue Kondaram ney kaha ke ”aise waqt jab poree riyasat maali masail se do-char hai, unhoun ney taajjub ka izhaar kiya ke reyasti hukoomat secretariat ka inhedam kyun kar rahi hai. unhon ney kaha ke yeh sab sirf tashheer ke liye kya ja raha hai. unhon ney ilzaam lagaya ke riyasat mein qarz maffi ko laago nahi kiya ja raha hai.
Is mauqa par TTDP leader N. Narsi Reddy ney kaha ke ke KCR riyasat mein tughlak aur Rizvi ki tarhan hukoomat kar rahay hain. –YTN STAFF