New Delhi: UPA ki saddar wo congress leader Sonia gandhi ne Delhi ki sabiq wazeer-e-aala Sheila dixit ke makaan pohanch kar inhen kharaaj paish kiya, unke humrah congress ke aala qaideen mojood they.
Delhi ki sabiq wazeer-e-aala Sheila Dixit ka hafta ko Delhi ke khangi hospital mein 81 saal ki Umar mein Dehant ho gaya. Sonia gandhi nay Sheila Dixit ki behan Rama Dixit se mulaqaat ki aur taaziyat ka izhaar kiya.
Isi tarhan Wazeer-e-azam Narendra Modi nay, lok sabha speaker Om Birla ke hamrah congress ki jani maani leader Sheila Dixit ki rihaish gaah pohanch kar inhen kharaaj paish kiya.
Sheila Dixit ke jasd khaki ko “Sheila Dixit amar rahay” ke naaroun ke sath unki rehaish gaah par hafta ki shaam 5: 30 bajey laya gaya. jis ke baad siyasi qaideen ka aamad ka silsila shuru hua , jinhon nay Sheila Dixit ko kharaaj paish kiya.