Abu Dhabi: UAE ka ghair mulkiyoun ko kaarobar ke mukammal malikana huqooq dene ka elaan kardiya hai aur dunyae arab ki sab se matnua aur doosri badi kabeena ney ibtidayi tor par intahi ahem 13 muashi shoba jaat ki ijazat di hai. UAE ney mulk mein kayi dahon se aed pabandi khatam karte hue ghair mulkiyoun ko tijarti marakaz par mukammal malikana huquq tafweez karne ka faisla kiya hai. is pabandi ke khatama ke baad ghair mulki afraad ko karobari idaroun ka mukammal intizam apne paas rakhnay ki ijazat haasil hojayegi.
UAE ke naib saddar aur wazeer-e-azam Sheikh Mohammad bin Rashid al maktum ney samaji rawabit ki Website Twitter par bayan jari karte hue kaha ke Abu Dhabi mein meri sadarat mein honay walay kabeena ijlaas mein 122 muashi sar garmion mein sad feesad ghair mulki milkiat ki manzoori dedi gayi. is elaan se kayi dahoun qabal nafiz ki gayi pabandi ka khtama hogaya jis ke tehat ghair mulkiyoun ko sirf 49 feesad malikana huquq haasil hotay they.
Apni Tweet mein Sheikh ney mazeed kaha ke is ijazat ka itla Zarat , Manufacturing, mutabadil tawanai, E-commerce transport, arts, tamirat aur entertainment ke shobo mein hoga. 7 arab riyastoun par mushtamil UAE mein ahem tijarti shobo mein ghair mulki malkiat ke baare mein faisla khud UAE hukoomat karegi.
Khayaal rahay ke pehlay se aed 49 feesad ki pabandi ko chakma dainay ke liye Dubai sameit kuch imarati shehron mein free trade zone qaim kiye gaye hain jahan ghair mulki afraad apne kaarobar ke tamam malikana huquq apne paas rakh sakte hain. Sheikh ney kaha ke is faislay se UAE ki maeeshat ke darwazay tamam aqwam ke khuleinge jis se yeh aalmi sarmaya kaari ka behtareen maqam ban jayega.
UAE ka dar-ul-hakoomat Abu Dhbai tail ke wasee tareen wasail se malamaal hai jis ki yomiya ki pedawar 30 laakh barrel hai. iske alawa arab duniya mein mutahidda arab Dubai barah-e-raast ghair mulki sarmaya kaari wusool karne wala sab se bada mulk hai jis ko guzashta baras is mad mein 11 arab Dollars haasil hue . –YTN STAFF