Istanbul: Muslim duniya ki jab bhi baat hoti hai to Turkey ki khabron ko sare fehrist hi shumaar kiya jata hai aur ab yahan se intekhabaat ke ghair mutawaqqa nataij mil rahay hain. Turkey mein muqami hukoomat ke intekhabaat mein saddar Rajab Tayyab Erdogan ki jamaat ke party ko istanbul mein shikast ka saamna karna pada hai, Oppostion ney 54 feesad voton ki wazeh bartari se yahan intekhabaat jeet liye hain. Oppostion jamaat teen mah qabal honay walay Mayor ke intekhabaat mein bhi kamiyaab huwi thi taham Tayyab Erdogan ki AK Party ney nataij tasleem karne se inkaar karte huwe dobarah intekhabaat karwane ka mutaleba kiya tha. Turk Saddar ki jamaat ki janib se nataij tasleem nah karne ko maghribi Mumalik ney bhi shadeed tanqeed ka nishana banaya tha jabkay Turkey ki oppostion jamaaton ney is iqdaam ko Turkey ki jamhoriat ke liye khatrah qarar diya tha.
Turk media ke mutabiq tamam voton ki ginti ka amal mukammal ho chuka hai jis mein Republic People’s Party ko maazi ke muqablay mein ziyada vote miley hain. Oppostion ki is kamyabi ko Turkey ke saddar Rajab Tayyab Erodgan ke liye aik bada siyasi dhaka qarar diya ja raha hai. Intekhabaat mein kamyabi ke baad Mayor ke umeedwaar akram Akram Emamoglu ke hazaron haami istanbul ki sdrkon par nikal kar jashan manaatey rahay. Emamoglu ney kamyabi par istanbul ke awam ka shukriya ada kiya. Unhon ney kaha ke hum is shehar mein jamhoriat mazboot karen ge, hum yhan insaaf layein ge, is shehar ko taraqqi den ge yeh mera wada hai. Sarkari satah par intekhabaat ke hatmi nataij ka tadam tehreer elaan nahi huwa taham Rajab Tayyab ney Emamoglu ko kamyabi par mubarakbad di hai jabkay un ke mad-muqabil mayor ke umeedwaar ney bhi raye dahi khatam honay ke do ghantay baad hi un ke liye naik khwahisaat ka izhaar kya hai.
Turkey ke saddar Rajab Tayyab Erdogan Turkey ke siyasi manzar naame par 2003 hamza se mutharrak hain pehlay woh Wazeer e Azam rahay is ke baad saddar muntakhib huwe, Mustafa Kamaal ke baad unhein sab se ziyada asro rasookh rakhnay wala hukmaran tasawwur kiya jata hai. Apne daur Iqtidaar ke douran unhon ney turkey mutadid islahat muta-arif karwaen aur muashi dhanchay ko tabdeel kiya, unhein Turkey ke qadamat pasand halqon ki himayat haasil rahi hai. Tajzia nigaron ke mutabiq haliya arsay se jari muashi bohraan se un ki himayat mein kami aayi hai jis ke baais Iqtidaar par un ki girift kamzor par rahi hai. Turkey ki Currency musalsal gir rahi hai jabkay afraat zar ki sharah mein izafay se mehengai bhi badh gayi hai. Turk saddar ki jamaat AK Oarty ko 25 saal mein pehli martaba istanbul se shikast huwi hai jo is ka mazboot garh samgha jata tha, is se qabal anqrah ke intekhabaat mein bhi Erdogan ki jamaat ko shikast ho chuki hai.