Berlin : Hawa mein parwaaz karna Insaan ki qadeem khwahish rahi hai yeh hi wajah hai ke is ne parindon ko Hawa mein udhtay dekh kar hawai jahaaz ki takhleeq ki lekin is ki justuju yahin khatam nahi hui balkay iske sath isne kuch aisi gadiyaan bhi tayyar ki jo kay jasamat mein chote honay ke sath woh zameen par doudnay aur Hawa mein udhne ke qabil bani aur isi shoba mein taraqqi ne hawa may oodati cars ke khayaal ko haqiqit ka libaas pehnadiya aur ab Germany mein paanch seats wali self flying taxi mutarif kara di gayi jis ke zariye ek ghantay mein 300Km safar karna mumkin hoga .
Ab ghar se daftar ya kahin jaldi pohanchna ho to traffic mein phansnay ka masla ab bhool jaiye, Germany mein duniya ki sab se pehli paanch seats wali self flying taxi muta-arif karwa di gayi hai jo ek ghantay mein 300 km safar tey kar sakti hai .
36 electric Motors wali yeh taxi amoodi take of aur land of karegi. Ek baar charge karne se yeh Hawa mein udaan bharnay wali taxi ek ghanta safar karne ki salahiyat rakhti hai. German company ke mutabiq K.Flying taxi se aloodgi kam karne mein madad mileygi. –YTN STAFF