New Delhi : Adakar se siyasat daan banay Shatrughan Sinha neh hafta ko apne siyasi mustaqbil se mutaliq suspense khatam karte hue congress party mein shamoliat ikhtiyar karli.
BJP ke patna sahib se sabiq rukan-e-parliment Shatrughan Sinha party head quarter Dehli mein Congress ke general secretary KC, Venugopal aur Congress tarjuman Randeep Singh Sarjewala ki mojoodgi mein congress mein shaamil hue .
Is douran unhon neh BJP par jam kar tanqeed ki aur usay’ ‘ one man show, two man army’ ‘ qarar diya. is douran unhon neh un qiyaas aarayyon ko bhi hawa di ke unki ahliya Lucknow se wazeer e dakhla Rajnath Singh ke khilaaf intikhab ladsakti hain. jab unse yeh poocha gaya ke kiya unki ahliya Poonam Sinha Rajnath Singh ke khilaaf Inteqab ladsakti hain to unhon neh kaha ke’ ‘ kuch bhi ho sakta hai.
Is mauqa par Shatrughan Sinha neh BJP ko tanqeed ka nishana banatay ho ye kaha ke’ ‘ party mein meri baat nahi suni gayi. yahan tak ke jaany manay leadroun ko bhi darkanar kar diya gaya. party mein Adwani, Murli Manohar Joshi, Arun Jaitley jaisay kayi baday leaders ko Darknar kar diya gaya .
Shatrughan Sinha neh kaha ke agar sach kehna baghaawat hai to mein baaghi hon. BJP neh apne waday poooray nahi kiye. baghair kisi Salah wo mashwaray ke note bandi jaissa bada faisla liya gaya. jis ki wajah se hazaron log barbaad ho gaye. unhon neh kaha ke BJP mein logon ki koi qader nahi hai .-YTN STAFF