Hyderabad. Hyderabadi khatoon se aiktarfa mohabbat karne walay aik Bahrain noujawan ney dilbardashtah hokar aaj khud par kerosine chidak kar khatoon ke makaan mein daakhil hogaya aur uss se lapait kar khud ko aag lagali. Puraney shehar ke Tappachabutra mein hafta ke roz yeh waqhiya paish aaya. Aag laagne ke baais dono buri terha jhulas gaye jabkay aag bujhaney ki koshish mein khatoon ke 2 bhawajen bhi jhulas gayin. Aag se jhulas jaane wale teenon ko jhulasi huwi haalat mein Osmania General Hospital muntaqil kiya gaya. Khatoon ki haalat naazuk batayi jati hai. Police ke bamawajib Ibrahim jo Bahrain ka native hai, Facebook par Shabana Begum se muta-arif huwa aur phir apne piyar ka izhaar kiya. Ladki ney yeh kehte huwe ke woh phelay se hi shadi shuda noujawan ki shadi karne ki peshkash ko thukradiya. Phir woh Shabana se mulaqaat karne Hyderabad aaya aur un se mutalba kiya ke woh is se shadi karle. Mutadid baar mutnabba karne ke bawajood Bahrain shehri jo do bachon ka baap batya jaata hai, usay harasan karta raha aur aaj khatoon ke ghar mein daakhil hokar khud ko aag lagali jis ke baais tenu jhulas gaye. Police ney aik muqadma darj karte huwe tehqiqaat ka aaghaz kardiya.
Aiktarfa mohabbat mein Bahrain citizen ney khud ko aur mehbooba ko aag lagadi
