Baghair deraana SSC Exam fee ki adaai ki aakhri tareekh 29th October. Umeedwaar 50 rupay deraana ke sath 12th November tak 200 rupay deraana ke sath 26th November tak aur 500 rupay deraana ke sath 12th December tak adaai kar saktay hain.
Hyderabad. Directorate of Government Examinations Telangana ney SSC, OSSC aur SSC Vocational Course Public Examinations March 2019 ke liye fees ki adaai ki tawareekh ka elaan kardiya hai. Regular umeedwaron ke liye tamaam mazameen ke liye 125 rupay hogi jabkay Vocational Courses ke umeedwaron ke liye SSC Academic Courses ke liye musriha 125 rupay ki regular imtihani fees ke alawa izaafi 60 rupay ada karni hogi. Baghair deraana ke fees ki adaai ki aakhri tareekh 29th October muqarrar ki gayi hai. Umeedwaar 50 rupay deraana ke sath 12th November tak, 200 rupay deraana ke sath 26th November tak aur 500 rupay deraana ke sath 12th Decemeber tak fees ada kar saktay hain. Directorate ney yeh wazahat ki ke mazkoorah tawareekh ko aam tateel ka elaan karne ki soorat mein is ke fauri baad dosra kaam ka din aakhri tareekh musatawir hoga. Yeh bhi sarahat kar di gayi hai ke mazkoorah tawareekh mein kisi bhi soorat mein tausee nahi ki jaye gi .