Hyderabad. Telangana ke nigraan Chief Minister Mr. K Chandrashekhar Rao ne kaha ke tawaqqu hai ke riyasti Assembly ke intekhabaat mah e November mein munaqqid hon ge jabkay natayij ka Decemeber ke phelay hafta mein elaan kardiya jaye ga. Chief Minister Mr K Chandrashekhar Rao ne Praghati Bhavan mein akhbaari numaindon se baat cheet karte huwe kaha ke Mulk ki deegar riyaston Madhya pradesh, Rajasthan aur Chittisgarh ke sath Telangana Assembly ke intekhabaat November mein munaqqid hon ge. Mr. Chandrashekhar Rao ney aawam se khwahish ki ke woh TRS ko dobarah Iqtedaar sounpe chunkay woh achi tarha jantay hain ke Party ne aawam ki behbood ke liye kaam kiya hai. Unhon ney is etemaad ka izhaar kiya ke unhon ney ne tamam waday bashmool intekhabi manshoor mein kiye gay wadon ko poora kiya hai. Hum ne Kisaanon ke liye Rythu Bandhu Scheme aur Rythu Bheema Scheme ko bhi roba amal laya jo hamaray intekhabi manshoor mein shaamil nahi thay.