Hyderabad. Chief Minister Mr. K Chandrashekhar Rao ney aaj Janaab Mohammad Rahimuddin Ansari ko Sadanashin Urdu Acadamy naamzad kiya hai. Chief Minister ney is khusoos mein file par dastakhat kar diye hain aur tawaqqu hai ke shaam tak is khusos mein GO jari kardiya jaye ga. Urdu Acadamy ke Board Of Directors ka hanooz elaan nahi kya jayega. Janaab Rahimuddin Ansari is se qabl bhi Congress ke daur e hukoomat mein Urdu Acadamy ke Sadar ki haisiyat se khidmaat anjaam dey chuke hain. Janab Mohammad Rahimuddin Aansari Telangana ki Muslim tanzimon ke Wifaaq ‘United Muslim Forum’ ke Sadar aur Jamia Islamia Dar-ul-Uloom Hyderabad muatamed hain. Woh All India Muslim Personal Law board ke rukan bhi hain. Janab Mohammad Rahimuddin Ansari, Moulana Mohammad Hammeeduddin Aqil Hussami RH ke damad aur Moulana Hussamuddin Sani Jaffer Pasha ke brother-inlaw hotay hain.