Hyderabad. Chief Minister o Sadar Telangana Rashtra Samiti Mr. K.Chandrashekar Rao ki janib se deegar riyaston ke sath Telangana mein bhi Assembly intekhabaat karwney Election Commission se darkhwast aur mah September mein hi umeedwaron ki fehrist jari kardainay ke elaan ke baayis na sirf TRS qaiydeen balkay deegar Partiyon ke qayideen ko bhi yeh lagnay laga hai ke riyasat mein qabal az waqt intekhabaat munaqqid ho saktay hain. Telangana riyasat ki tashkeel ke liye Mr. K Chandrashekar Rao ke shana ba shana jad-o-jehad karne walay Professor Kodandaram ki zair qayadat nai tanzeem Telangana Jana Samiti (TJS) bhi intekhabi maidan mein qismat aazmai ke liye par tol rahi hai. Professor Kodandaram Sadar ney pehlay hi is azm ka izhaar kya tha ke un ki Party Telangana ki tamam 119 Assembly nashiston par apne umeed waar khada kere gi, aik baar phir apne is azm ka izhaar kya hai. Phir ke din akhbaari numaindon se baat cheet karte hue Professor Kodandaram ney kaha ke TJS aayindah intekhabaat 2019 mein tanha 119 nashiston par muqaabla keregi taham unhon ney waqt se qabal intekhabaat ke ineqad ke liye jo wajuhaat batai jarahi hain un se ittafaq nahi kya.