Hyderabad. Sadarnasheen Telangana State Waqf Board Mr. Mohammad Saleem ney aaj Eidgha Mir Aalm ka daura karte hue Eid uz Zuha ki tayariyon ka jaayiza liya. Un ke hamrah Rukn Assembly Bahadurpura Mr. Mouzam Khan , CEO Waqf Board Mr. Shahnawaz Qasim , DCP South Zone Mr. V Satiyanarayana ke alawa Waqf Board, GHMC aur water Board ke ohderaan bhi maujood thay. Mr. Saleem ney bataya ke har saal ki terha is saal bhi Eidgha Mir Aalm mein Eid uz Zuha ki namaz ke intizamaa kiye jarahay hain. Mausam e barish ke paish e nazar Eidgha ke androoni ihata mein Teen Shade dala gaya hai. Sadarnasheen Waqf Board ney bataya ke tamaam mehakuma jaat ke sath taawun o ishteraak aur behtar rabita ke sath Waqf Board intizamaat kar raha hai. Unhon nay awam se appeal ki ke woh intizamia ke sath taawun o ishteraaq karen aur safai suthrayi ka khaas khayaal rakhen. Zabiha janwaron ke ghair mustamila aaza ki ko sadkon aur galiyouon mein pheenk dainay ki bajaye un ki behtar nikasi ko yakeeni banayen aur is khusoos mein GHMC amlah ke sath taawun karen. Har saal ki terha is saal bhi Eidgha Mir Aalm mein Eid ki namaz 9:30 bajey ada ki jaye gi. Imam o khateeb Mecca Masjid Moulana Mohammad Rizwan Qureshi imamat karenge aur khutba denge. Namaz se qabal Moulana Hussamuddin Sani Jaffer Pasah AMir e Millat e Islamia Telangana aur Moulana Saifuddin (Jamia Nizamia) ka bhi khitaab hoga.