Hyderabad. Jawaharr High School ke khilaaf Reinbazar Police Station mein ‘Qaumi Parcham’ ki tauheen karne ka aik muqadma darj karliya gaya hai. School intizamia ki janib se 72nd jashnn eazadi ki munasbat se School ki imarat par kuch hangings awezan (erect) kiye gaiy thaiy jis mein Hyderabad ke Rukn e Parliament aur deegar Arkaan e Assembly ki qadaavr tasaveer ke pas e manzar mein Qaumi Parcham dikhaya gaya tha jis se aisa mehsoos ho raha tha keh yeh qaayideen, Qaumi Parcham ko roond kar chal rahay hain. Social Media par yeh tasaveer viral hogai. Station House officer Reinbazaar ke mutabiq Police Station ki patrolling party, yaum e azadi ke mauqa par gasht mein thi. Iss party ke aik rukn Krishna ne yeh dekha ke Jawaharr High School ki imarat par siyasi qaideen ki tasaveer awezan hain jis ke pas e manzar mein ‘Qaumi Parcham’ hai, jinhein dekh kar aisa mehsoos ho raha tha ke ‘Qaumi Parcham’ ki tauheen horahee hai. Iss liye insidaad tauheen qaumi tazeem 1971 ki difaa 2 bah mutaliq ‘Qaumi Parcham’ o dastoor e Hind ki tauheen ke tehat School ke khilaaf aik muqadma darj karliya gaya hai. Yeh poochnay par ke School ke Correspondent Ayub Shah ka yeh kehna hai ke banners unhon ne nahi lagaye balkay School ke staff ne lagaye hain to Inspector ne kaha ke hum tehqiqaat karenge magar waisay School ka intizamia hi is ka zimmadaar hota hai.